A procesión do Corpus mais "chacharacheira".

Este último domingo unha vez mais dende hai xa uns cantos anos, os concelleiros socialistas asistimos á procesión do Corpus por entender que trascende ó mero feito relixioso e ser o remate final á expresión artistica e cultural que os veciños de Ponteareas de xeito colectivo e solidario fan por medio da confección das alfombras florais. Entendémolo coma un sinal de respecto cara ós nosos veciños a quenes representamos.

Ó baixar polas escaleiras de San Gregorio e encarar a rúa dos Ferreiros decateime novamente do deteriorado que está o casco vello de Ponteareas. Ese aspecto ruinoso e decadente ainda era mais patente si cabe ante o contraste coa explosión de cor e frescura das frores. É urxente promover politicas activas de habitabilidade, reconstrucción e adecentamento de este espacio urbán testemuña da nosa historia.

Este ano acompañounos Alberto Núñez Feijoo. Realmente quedei sorprendido do seu comportamento durante a procesión, saudando ostentosamente coas mans, mandando bicos polo ar, mostrando abertamente o pulgar hacia arriba (OK), mesmo parecía un actor atravesando a alfronbra vermella ou un xeneral romano victorioso na sua entrada triunfal en Roma. Este comportamento era tan chamativo que un concelleiro do PP comentou "é a procesión mais chacharacheira dos últimos anos". Botouselle en falta a dignidade que debe mostrar o Presidente da Xunta de Galicia que representa a tódolos galegos e o respecto que merecen os costumes e tradicións dos ponteareáns. Este é un dos "chismes" que circula estes días pola vila pero lamentablemente non teño fotos, polo que si alguén que lea este blog ten algunha agradeceria moitisimo que a colgase aquí.

O Goberno de Zapatero concede ó Corpus de Ponteareas, a distinción de Festa de Interese Turístico Internacional

Axunto un estrato das declaracións de Francisco Candeira:

"o Partido Socialista de Ponteareas quere expresar a súa ledicia e satisfacción, e desexa felicitar a tódolos nosos concidadáns e, especialmente, a tódolos e tódalas alfombristas por que esta creación colectiva, artística cultural e relixiosa, que son as nosas alfombras de flores, teñan merecido este recoñecemento. Ademais nós sentimos un especial orgullo por ser un goberno socialista desde Madrid quen dea este paso histórico para o noso pobo.
Lograr a designación de Festa de Interese Turístico Internacional era un vello anceio de tódolos ponteareáns que, paso a paso, viron como se foi recoñecendo o valor das nosas alfombras nun longo percorrido temporal. Así, no ano 1968, en plena Dictadura, foi declarada Festa de Interese Turístico. 12 anos despois, en 1980, co goberno de Adolfo Suárez, mereceu a designación de Festa de Interese Turístico Nacional. Agora, 29 anos despois, é o goberno presidido por Rodríguez Zapatero quen concede este rango internacional que vai contribuir aínda máis á difusión deste evento e ó incremento da afluencia de persoas españolas e estranxeiras para admirar e respectar o xenio unido de tódolos ponteareáns."

Novas na miña parroquia de Ribadetea en Ponteareas

Os veciños e veciñas da parroquia de Ribadetea reivindican publicamente estes días diante do concello, a realización de una serie de compromisos asumidos polo Alcalde Salvador González Solla, e reiteradamente incumpridos.

A protesta pública da A.V.V. de Ribadetea limitouse ate o de agora a poñer dúas pancartas na estrada que vai a Pazos de Borbén e que atravesa a parroquia. Pero este sinxelo acto de protesta da a medida do cansazo e esgotamento de uns veciños habitualmente comprensivos, cunha paciencia infinita que sempre confían en acadar os seus obxectivos co diálogo e “polas boas”, xentes que confiaron unha e outra vez na palabra do Alcalde e do Goberno Municipal. Por iso cando fan algunha medida de protesta pública, por pequena que sexa, indica que xa se superaron de abondo os límites da paciencia colectiva, que houbo un incumprimento reiterado durante meses ou incluso anos, e que xa se perdeu o último fío de esperanza e de confianza en resolver os problemas da comunidade.

O meu recoñecemento ó traballo que realizan as AAVV nas parroquias, traballo non sempre ben recoñecido polos propios veciños, pero que é fundamental para defender, reclamar e protexer o interés colectivo, ó marxe de intereses persoais ou políticos. Para un bon funcionamento do sistema democrático, é imprescindible que a sociedade civil se organice e mobilice na defensa do interés común, por iso a importancia das asociación parroquiaois que son as que verdadeiramente dinamizan e fan progresar ó rural.

O descenso do paro irrita ó PP

Tralo anuncio do descenso do paro no mes de maio, escoitei na radio a valoración de diferentes representantes sociais que en xeral eran prudentes desexando que ese dato confirmara unha tendencia xa que sería bo para o conxunto do pais e sobre todo para os cidadáns, para homes e mulleres, para a xente.

A sorpresa xurde cando escoito as valoracións do dirixente do PP Cristobal Montoro, notábase fondamente irritado, mesmo parecía un neno caprichoso que non conseguira o que quería, e todo porque en España había case 25.000 parados menos, notábaselle que non podía aturar tal feito e optou por negalo e por descalificalo ate ó absurdo. O peor é que esta mesma sensación se desprendía das valoracións de outros dirixentes do PP.

Vai ter razón Luis Fernando López Aguilar cando di que os do PP o queren é que as cousas vaian a peor, que contan con avaricia cada novo parado, que celebran sen pudor cada novo dato negativo, porque esperan que canto peor lles vaia ós españois, mais posibilidades terá o PP de gañar as eleccións.

O que lle importa a Mariano Rajoy é chegar á Moncloa aínda que para elo teña que afundir a España.