O circo da ruptura do goberno

Lamentable o espectaculo que estan dando Salvador e Juan Carlos acusandose mutuamente de deslealtades , de irregularidades, de loitas polo poder e do caciqueo de émbolos dous grupos que estiveron a gobernar o concello de Ponteareas os últimos 8 anos. É a mesma historia que hai 4 anos, separáronse uns meses antes das eleccións descalificandose e insultandose entre eles, para despois volver a xuntarse tralas eleccións. Menudo alcalde que agora acusa a Juan Carlos Carrera de montar unha alcaldía paralela cando foi él quen o consentiu e mirou para outro lado nos últimos meses e anos, e agora sae acusandoo de deslealtade cando sempre estivo na sua man cortar esa situación.

Agora con este circo que montaron, este espectáculo que están dando, quedou ben as claras que sempre estiveron ocupados coas súas trifulcas e loitas por quedarse co poder, mentras que os problemas de Ponteareas seguiron sen resolver coma o Plan de Urbanismo, a Estación Potabilizadora de Auga, a contaminación do rio Tea, o saneamentos das parroquias, a falla dun Parque Empresarial ... cuestións todas elas que nestes ultimos 8 anos quedaron totalmente estancadas.

Esta coalición PP-UCPA que ten gobernado Ponteareas nos últimos anos ten sido un cancro e un atranco para a modernización e o desenvolvemento de Ponteareas no eido económico, social, urbanístico, educativo e medioambiental.

Agora este novo-vello partido, alentado por Castro e apoiado polo “ladrillo” para defender os intereses que non son os da maioría dos ciudadanos, e non hai mais que ver quen vai na lista, e preguntarse ¿por que? ,e a resposta é sempre a mesma: intereses inmobiliarios; buscan manter a sua cota de poder local e tratar de seguir gobernando tralas eleccións en coalición có PP de Salvador Glez Solla que ten demostrado sobradamente a súa incapacidade e incompetencia para gobernar este concello e non ter a valentía e a coraxe necesarias para plantarse e dicir “ate aqui chegamos”.

Dende o PSdeG-PSOE de Ponteareas ofrecemos ós cidadans un equipo de persoas serias e de fiar con capacidade para gobernar con eficacia e intelixencia, e un candidato á alcaldía, Pancho Candeira que vai representar dignamente ó noso Concello, e poder asi rematar dunha vez por sempre con esta panda que nos ten gobernado e conseguir que Ponteareas poida progresar e mirar con esperanza cara o futuro.

Convención Municipal

Esta fin de semana estiven en Compostela compartindo coas compañeiras e compañeiros socilistas as ideas que nos identifican na acción municipal, que se concretan en que son as personas o eixo da nosa acción política. Foi interesante escoitar a Irisarri, o alcalde de Ferrol, falar dos orzamentos participativos e de como iniciativas semellantes permiten profundizar na participación democrática da sociedade. Tamen propostas como os centros sociais polivalentes e de como en época de crise é posible recortar os orzamentos sen reducir as prestacións sociais.

Houbo tempo para a confraterniz

ación, para a reflexión conxunta e para as propostas mais innovadoras para os concellos galegos.

Persoalmente tamén tiven a honra de lle poder entregar ó ministro de xustiza Caamaño unha carta que me encargaron membros da plataforma de apoio ó pobo saharaui, sendo entrañable a receptividade que mostrou o ministro en todo momento.

Nunca un presidente da Xunta fixo tanto mal en tan pouco tempo.

Hai uns días escoitei na radio a alguén que dixo "nunca houbo unha xeración de políticos tan irresponsables coma os actuais drixentes do PP". Si iso é certo, o seu paradigma son os dirixentes do PP galego, menuda panda! dende que gobernan Galicia ainda non houbo unha decisión política que resolvera un solo problema, mais ben ó contrario, teñen a estraña habilidade de crear problemas onde non os había, de aumentar as dificultades onde as que había era asumibles e de emponzoñar situacións que eran facilmente resolubles. E si non, vexamos:

1. A Lingua: Despois de anos e décadas de consenso e convivencia armónica das dúas linguas oficiais, a irresponsabilidade de estes novos e flamantes dirixentes do PP levounos a un enfrontamento nunca visto en Galicia, e que agora non son quen de resolver. Este comportamento estúpido e innecesario de rachar co consenso anterior foi duramente criticado por todas e cada unha das institucións relacionadas coa cultura galega.

2. As Caixas: Menudo ridículo do Presidente Feijoo que estes días tivo que recuar e aceptar tódalas condicións de Caixanova, despois de acosar e querer "retorcerlle os güevos" a Gayoso con unha lei-express que agora vai ter que cambiar desdecíndose de tódolos argumentos utilizados no enfrontamento institucional provocado co Goberno Central.

3. Situación económica. Dende que goberna Feijoo o desemprego seguiu aumentando e o PIB caindo, de xeito que practicamente se perdeu o diferencial positivo que tiñamos coa media española no goberno de Touriño. Onde foron parar as promesas de resolver a crise en 45 días? Porqué non se adoptan medidas si Galicia ten tódalas competencias en emprego? Porqué se reduciu ó 50% a licitación de obra pública, condeando a moitas empresas galegas a buscar traballo noutras comunidades autónomas?

4. Sanidade. Aumentan as listas de espera, péchanse plantas hospitalarias enteiras no verán, non se sustitue a médicos nin persoal de enfermería. A degradación da sanidade galega é notoria e acelerada. Para colmo quérennos facer un hospital en Vigo e pretenden que tódolos galegos paguemos 4 veces mais o seu coste a un "empresario amigo".

Este é o resumo do 1º ano do goberno Feijoo, ainda que poderiamos seguir falando de dependencia, comercio, protección do litoral, cobros irregulares dos parlamentarios etc.
Parece mentira pero é certo, Feijoo é un kamikace experto en crear problemas e poñer todo patas arriba, o seu medio natural é o desconcerto e o caos, ¡¡e ainda nos quedan 3 anos mais!!
Que Deus e Zapatero nos amparen.

Un novo ano para traballar e para ilusionar

Comezamos un novo ano que promete ser politicamente moi movido para as agrupacións locais xa que o vindeiro, no 2011, haberá eleccións municipais que serán unha nova oportunidade para cambiar as cousas en Ponteareas.

Eu e outros moitos coma min imos loitar para conseguir que Francisco Candeira sexa o novo alcalde do noso pobo. No noso concello precisamos un cambio de rumbo que nos leve da incompetencia, parálise e papanatismo actual a unha situación de dilixencia, eficacia e dinamismo que permita situar a Ponteareas no século XXI, promovendo activamente o desenvolvemento das súas potencialidades.

O actual goberno é un atranco para o desenvolvemento do noso concello. Ten que rematar tanta incompetencia e irresponsabilidade, ten que rematar o espectáculo lamentable de un goberno con dúas faccións enfrontadas, os partidarios de Salvador contra os de Nava, mais preocupados de descualificarse e insultarse entre eles que de gobernar e solucionar os problemas dos cidadáns.

Por estas e outras razóns, este pode ser un gran ano, un ano especialmente importante, un ano para traballar e para ilusionar, un ano para ser vivido.

IBI: o PP sobe a contribución un 40%

O goberno da Triple-I (*), aprobou unha subida do IBI (Imposto de Bens Inmobles) en mais de un 40%. Nas casas do rural esta subida pode chegar ate ó 150%.

(*) Triple-I = Goberno do PP de Ponteareas caracterizado pola sua Ineficacia, Incompetencia e Irresponsabilidade.

A Executiva Provincial: Un novo desafio.

O congreso provincial celebrado en Pontevedra o pasado sábado dia 3 de outubro, foi o primeiro da nova etapa do PSdeG que cambia a estrutura comarcal vixente ate o de agora para adoptar a estrutura provincial, sendo Pontevedra a primeira das provincias galegas en celebrar o seu congreso constituinte.

Neste congreso a delegación da agrupación de Ponteareas da que eu formaba parte, estaba encabezada por Francisco Candeira, e tivo unha participación moi activa conseguindo que se aprobaran moitas das súas propostas na comisión de estatutos, propostas fundamentalmente políticas sobre o modelo de partido.


Neste primeiro Congreso fun elixido membro de esta primeira Executiva Provincial polo que me sinto moi honrado de poder representar a Agrupación de Ponteareas nesta primeira executiva, que é "histórica” . Por outra banda é o recoñecemento ó labor desenvolvido polos socialistas de Ponteareas nos últimos anos, asi como da vontade expresa do noso secretario xeral Francisco Candeira de propoñerme a min para asumir esa labor.


Dende esta nova responsabilidade tratarei de aportar o meu traballo e a miña intelixencia para lograr un partido mais forte e útil para a sociedade, que responda e dea solucións eficaces ós problemas dos cidadáns. Ademais vai ser moi estimulante, traballar conxuntamente con Modesto Pose por quen sinto un especial aprecio.

O alcalde de Ponteareas atranca o funcionamento do novo IES

É de escandalo o que está a acontecer en Ponteareas, mais alá da cor política ou de intereses de partido, é inadmisible que o novo IES que costou mais de ¡¡tres millons de euros¡¡, non se poida utilizar porque o alcade non fixo o acceso de 5 metros de longo, ¡si 5 metros de longo¡, para que os alumnos e os profesores poideran acceder ó centro educativo.

O alcalde ten posto mil atrancos para boicotear este IES tan necesario para Ponteareas, primeiro ofredendo á Consellería un terreo non urbanizable polo que foi necesario recurrir a un procedemento extraordinario para conseguir que o Consello da Xunta de Galicia presidida por Touriño lle dera a licencia de obra. Despois resulta que a parcela non tiña acceso directo a ningunha via pública polo que foi necesario que o Ministerio de Fomento dera unha autorización especial para poder acceder os camións e obreros pola N-120 para a construcción do edificio. E por último o imcumplimento reiterado dos compromisos adquiridos en canto a realización das obras de acceso asi coma as acnalizacións de servicios de auga e saneamento, competencia do concello.

É unha autentica provocavión que tendo o edificio rematado e o persoal adscrito, o Alcalde pola sua incompetencia impida que comencen normalmente as clases, por non ter feito as obras que se comprometeu a facer hai 3 anos, 2 anos, 6 meses e tres meses.

Por certo que o Conselleiro de Educación o Sr. Jesús Vazquez, foi persoalmente informado polo Grupo Municipal Socialista en xuño e xullo, da situación do novo IES, e da desconfianza que habia sobre as obras que lle competían o Concello, sendo lamentable que o día antes do comenzo oficial do curso na Consellería de Educación ainda non sabían que ian facer cos alumnos dese instituto de Ponteareas. ¡Viva o goberno Feijoo¡